描述
投降輸一半
「投降輸一半」呢句說話出自周星馳主演嘅電影《賭俠》。喺電影入面，周星馳飾演嘅阿星同劉德華飾演嘅刀仔為左籌夠錢上賭船同候賽因死過，所以就去左大口九（成奎安飾）既賭檔賭；同時因為阿星過左一半特異功能畀三叔而三叔賭錢時破戒，所以阿星開始失去功力，就捽牌只係捽到半隻出黎。
於是刀仔就特登畀大口九睇到果半隻牌，等大口九唔跟，然後刀仔就乘機話可以投降輸一半，大口九見到咁就梗係讚成輸一半就算，係戲裏就是以下場景：
。。。。。。
大口九：喂，你捽完未呀，捽黎捽去都唔會變第二隻架啦！
阿星：去咪去。
刀仔：咪住咪住，睇睇先睇睇先吓！
阿星：你好大汗。
刀仔：我知，幫我抹左佢丫，唔該。
刀仔：啊。。。。。
阿星：啊。。。。。
大口九：咩事呀？
阿星＋刀仔：冇野呀。
阿星：我突然間唔掂呀，你賭神徒弟啦啦聲變隻3出黎丫！
刀仔：我呢一招唔係成日都得架，不過我有一招就更加厲害。
刀仔：甩清楚啲吓。
阿星：甩清楚先。
喪標（司馬華龍飾）：好，我跟！
大口九：跟咩跟！你夠我大咩！
喪標：你好嘢，咁我唔去囉！
刀仔：係囉，大家投降輸一半，制唔制丫？
大口九：吓，一半？制。。。制。。。制。。。
喪標：咩呀，未睇牌要我輸一半呀，有冇攪錯呀！
阿星：有理由，邊有投降輸一半架，我係上面玩都冇呢個規矩既。
大口九：你都痴線既，上面還上面，呢度香港丫嗎，香港既規矩呢，投降輸一半架嗎，係咪呀！
。。。。。。。。。
阿星：都係甩清楚先渣。
刀仔：係囉。
阿星：又會有條例投降輸一半都有既？
刀仔：係囉，係咪呀？
大口九：係呀，呢度興架，呢度興投降輸一半架，我投降，輸一半渣。。。。。
呢個就係「投降輸一半」既出處。
投降輸一半TEE
咁呢件T-shirt設計就係「投降輸一半」係件Tee上面，簡單直接，著住呢件Tee絕對唔使投降，所以都唔使輸一半。
* 請參閱TEE尺碼(按圖可放大)：
(請量度所需尺碼，TEE尺碼或和你平日購買的尺碼不一樣)
(印成品完成後，尺碼不能更改)
(基於每個顯示器顯示的顏色都有所不同，成品的顏色可能會跟在顯示器/手提裝置所顯示的有些微出入。)
* 付款及交收請參閱：
https://www.topprint2000.com/online-shop/payment-shipping/
* 查詢：Signal/whatapps +852 9509 1298
